१ जेष्ठ काठमाडौं । काठमाडौँ महानगरपालिकाको मेयरमा स्वतन्त्र उम्मेदवार बालेन्द्र साह (बालेन) ले अग्रता फराकिलो बनाउँदै लगेका छन्।

उनले दोस्रो स्थानमा रहेका नेकपा एमालेका उम्मेदवार केशव स्थापितको भन्दा झण्डै दोब्बर बढी मत ल्याएका छन्।

बालेनले ३ हजार ८३४ मत ल्याउँदा एमालेका स्थापितले १ हजार ९ सय ९६ मत ल्याएका छन्।

नेपाली कांग्रेसकी उम्मेदवार सिर्जना सिंह भने तेस्रो स्थानमा छिन्। उनले १ हजार ८०२ मत ल्याएकी छन्।

अहिले महानगरका वडा नम्बर १, २, ३, ४, ३१ र ३२ को गणना भइरहेको छ। गणना भएका सबै वडामा बालेनकै अग्रता रहेको छ।

काठमाडौँको प्रदर्शनीमार्गस्थित राष्ट्रिय सभागृहमा मतगणना जारी छ।