१८ असार, मुग्लिन । मुग्लिन–नारायणगढ सडकखण्ड अन्तर्गत इच्छाकामना गाउँपालिका ६ जलविरेमा ३ वटा ट्रक एकापसमा ठोक्किएको छ ।

आज बिहान करिब १० बजेतिर ना ५ ख ९०५९, प्रदेश २–०३–००१ ख ६८२२ र ना ६ ख ६८५ नं.को ३ वटा मालबाहक ट्रक एकापसमा ठोक्किएको हो।

दुर्घटनामा परि प्रदेश २–०३–००१ ख ६८२२ चालक घाइते भएको इलाका प्रहरी कार्यालय मुग्लिनले जानकारी दिएको छ। घाईतेलाई उपचारका लागि भरतपुर पठाईएको छ ।

यस्तै दुर्घटनाका कारण केहिबेर राजमार्ग अवरुद्ध भएको थियो । अहिले भने दुर्घटनाग्रस्त ट्रक हटाएर राजमार्ग सुचारु गरिएको प्रहरीले जानकारी दिए।