जन्ती सवार बसको ठक्करबाट एकजनाको मृत्यु
२९ मंसिर, काठमाडाैँ । पर्वतको जलजला गाउँपालिका–८, नाइलिवाङमा विवाहको जन्ती सवार बसको ठक्करबाट एकजनाको मृत्यु भएको छ ।
आज बिहान करिब सवा ३ बजे पर्वतबाट तनहुँतर्फ जन्ती लिएर जाँदै गरेको ध१ख ४९४ नम्बरको बसले स्थानीय ५० वर्षीय जुठेबहादुर दमाईंलाई ठक्कर दिएको थियो ।
उनको उपचारका क्रममा बागलुङको धौलागिरि अस्पतालमा मृत्यु भएको प्रहरीचौकी मिलनचोक, पर्वतले जनाएको छ । बससहित चालकलाई प्रहरीले नियन्त्रणमा लिएको छ ।
प्रतिक्रिया दिनुहोस्