कपुरकोट गाउँपालिकाले खरको छानो हटाएर जस्तापाता लगाउने भएको छ । गाउँपालिकाले  खरको छानोमुक्त गाउँपालिका अभियानअन्तर्गत जस्तापता लगाउन लागेको हो । 

गाउँपालिकाको अध्यक्ष  दुर्गाबहादुर पुनका अनुसार आर्थिक रुपमा कमजाेर भएका परिवारको घरमा जस्ताको छाना लगाउन लागेको हो ।  गाउँपालिकाले चालु आर्थिक वर्षमा २०० वटा घरमा जस्ताको छानो लगाउने उनले बताए । 

खरको छानो विस्थापित गर्नको लागि गाउँपालिकाले सूचना जारी गरेको थियो । सोही सूचनामा परेको आवेदनको अनुसार दलित, विपन्न तथा एक महिलालाई प्राथमिकतामा राखेर सो कार्यक्रम सञ्चालन गर्दै आएको उनले  सुनाए । 

कार्यक्रमको लागि गाउँपालिकाले चालु आर्थिक वर्षमा एक करोड रुपैयाँ बजेट विनियोजन गरेको छ । गत वर्षदेखि सुरु भएको अभियानबाट आगामी तीन वर्षभित्र पालिकामा खरमुक्त छानो बनाउने लक्ष्य लिएको उनले बताए । गाउँपालिकाभित्र करिब ६०० घरमा खरको छानो रहेको उनले सुनाए ।