काभ्रेमा रहेको १३ वटा स्थानीय तहहरुमा भूमिहीन दलित, भूमिहीन सुकुम्बासी तथा अव्यवस्थित बसोबास गर्नेहरुको लगत संकलन कार्य गर्न सबै स्थानीय तहमा एकदिने कार्यशाला गोष्ठी सम्पन्न ।

गाउँपालिका तथा नगरपालिकाको वडाअध्यक्ष, वडा सचिव र कम्प्युटरमा विज्ञहरुलाई राखेर भुमिहीन दलित, भुमिहीन सुकुम्बासी र अव्यवस्थित बसोबासीको लगत संकलन कार्य गर्न आवश्यक सूचनाहरू र कस्ता खाले समस्यालाई कुन फारम भर्ने र पीडितलाई बुझाउने भन्ने बारे भूमिसम्बन्धी समस्या समाधान आयोगका विज्ञ सदस्य जेन लामा जेनिसले जानकारी दिनु भएको छ ।

सबै वडा कार्यालयबाटै सबै विवरण भरेर आयोगसमक्ष पठाउन सकिने भन्दै शाखा अधिकृत परशुराम थापाले अब भूमिसम्बन्धी समस्या समाधानका लागि आयोगसम्म पीडितहरु धाउनुपर्ने अवस्था नरहेको बताउनुभयो ।