एमसीसी विरोधका प्रदर्शनकारीमाथि रबरको गोली हान्दा एकको टाउको फुट्यो, ट्रमा सेन्टर रिफर
१२ फागुन, काठमाडौं । एमसीसी सम्झौता अनुमोदनको विरोधमा उत्रिएका प्रदर्शनकारीहरुमाथि प्रहरीले रबरको गोली हान्दा एक जनाको टाउको कुच्चिएको छ । गोली लागेको दाहिने कञ्चटमा गहिरो घाउ लागेको छ ।
घाइते वर्ष २८ का हेमराज अवस्थी हुन् । उनी केहीबेर अघि बुध्दनगरको झडपमा घाइते भएका हुन् ।
तत्काल नजिकैको अन्नपूर्ण न्युरो अस्पताल लगिएकोमा थप उपचारको लागि वीर अस्पतालको ट्रमा सेन्टर रिफर गरिएको छ ।
पहिले बानेश्वरको एभरेष्ट अस्पताल लगिएका उनलाई पछि न्युरो अस्पताल पुर्याइएको हो ।
त्यहाँबाट पनि गम्भीर अवस्थाका घाइतेलाई ट्रमा रिफर गरिएको बताइएको छ ।
यसैबीच आजको भिडन्तमा एभिन्युज टेलिभिजनका क्यामरा पर्सन सुरेश रजकसहित प्रदर्शनकारी केदार शिवाकोटी पनि घाइते भएका छन् ।
प्रतिक्रिया दिनुहोस्