१२ मंसिर, काठमाडौं । सहिद स्मारक ए डिभिजन लिग फुटबलमा आज जाउलाखेल युथ क्लब र नेपाल पुलिस क्ललबीच प्रतिस्पर्धा हुँदै छ । त्रिपुरेस्वरस्थित दशरथ रंगशालामा हुने खेल दिउँसो १ बजे सुरु हुनेछ ।

लिगको पहिलो खेलमा जावलाखेल ९ पटकको च्याम्पियन मनाङ मर्स्याङ्दीसँग १–० ले पराजित भएको थियो । नेपाल पुलिस भने डर्बी क्लब त्रिभुवन आर्मीसँग १–१ गोलको बराबरीमा रोकिएको थियो ।

यसअघि हिजो भएका खेलमा मनाङ मस्र्याङ्दी र च्यासल युथ क्लब विजयी भएका छन् । मनाङले हिमालयन शेर्पा क्लबलाई १–० गोल अन्तरले पराजित गरेको छ भने च्यासलले विभागीय टिम एपीएफ क्लबलाई १–० गोल अन्तरले हराएको थियो ।

जितसँगै मनाङ तालिकाको शीर्ष स्थानमा उक्लिएको छ । मनाङले २ खेलमा ६ अंक जोडेको छ । त्यसैगरी च्यासलले दुई खेलमा ३ अंक जोडेको छ ।