११ साउन, नयाँ दिल्ली । उपचारको क्रममा भारतको नयाँ दिल्लीमा रहेकी नेपाली कांग्रेकी केन्द्रीय सदस्य आरजु देउवा र भारतीय जनता पार्टी(भाजपा)का विदेश विभाग प्रमुख विजय चौथाइवालेबीच भेटवार्ता भएको छ।

चौथाइवालेले आरजुसँग भेट गरेको तस्वीर सामाजिक संञ्जालमा राखेका छन्। 

चौथाइवालेले ट्वीट गर्दै ६ महिनापछि डा आरजु राणा देउवालाई नयाँ दिल्लीमा भेट्न आउँदा आफू खुसी भएको जनाएका छन्।

गत वर्ष चौथाइवाले नेपाल आएका बेला आरजुले राखी बाँधिदिएकी थिइन्। 

नयाँ दिल्लीस्थित म्याक्स अस्पतालमा केही दिनदेखि आरजुको उपचार भइरहेको छ। केही दिनअघि भाजपाको निमन्त्रणामा नयाँ दिल्ली पुगेका नेकपा माओवादी केन्द्रका अध्यक्ष पुष्प कमल दाहालसँग समेत आरजुले भेटेकी थिइन्।