आज पनि निलम्बित प्रधानन्यायाधीश जबराको बयान लिइदै
३१ भदौ, काठमाडौं । संसदीय महाभियोग सिफारिस समितिले आज पनि निलम्बित प्रधानन्यायाधीश चोलेन्द्र शमशेर जबराको बयान लिने भएको छ ।
आज पनि बस्ने समितिको बैठकले पुन बयान लिने तयारी गरेको हो । बैठक बिहान ११ बजे बस्ने बताइएको छ ।
बिहीबार कानुन व्यवसायीले दिएको बयानबारे बैठकमा जबरासँग सोधपुछ गर्न लागिएको हो।
बिहीबार जबराले बयानका क्रममा आरोपमा लगउँदै नाम लिएका कानुन व्यवसायीले समितिलाई जवाफ दिएका थिए ।
जसमा वरिष्ठ अधिवक्ताहरू चण्डेश्वर श्रेष्ठ, शम्भु थापा, ओमप्रकाश अर्याल, पूर्णमान शाक्य लगायतसँग बयान लिएको थियो।
आरोप लागेका कानुन व्यवसायीहरुले जबराले आफूहरुमाथि निराधार आरोप लगाएको भन्दै आरोपको खण्डन गरेका थिए ।
प्रतिक्रिया दिनुहोस्