१९ पुस, झापा  । झापामा अटो ट्याम्पोको ठक्करबाट एक पैदल यात्रीको मृत्यु भएको छ । मृत्यु हुनेमा मेचीनगर नगरपालिका- २ निवासी ६० वर्षीय रविलाल दनुवार रहेको जिल्ला प्रहरी कार्यालय झापाले जनाएको छ। 

प्रहरीका अनुसार सोमबार बेलुका ६ बजेतिर मेचीनगर- २ त्रिमार्ग चोकस्थित भित्री सडकखण्डमा मे १ ह ७१५३ नम्बरको अटो ट्याम्पोले पैदल यात्री दनुवारलाई ठक्कर दिएको थियो । 

दुर्घटनामा परी घाइते भएका उनलाई उपचारको लागि आम्दा अस्पताल धुलाबारी लगिएको थियो। थप उपचारका लागि बीएण्डसी अस्पताल बिर्तामोडमा पठाएकोमा बाटोमै  मृत्यु भएको प्रहरीले जनाएको छ । 

यता अटोसहित चालक मेचीनगर- ८ निवासी ४० वर्षीय भुपाल बास्तोलालाई प्रहरीले नियन्त्रणमा लिएको छ ।