मंगलबार काठमाडौंका भिआइपी ठाउँमा बिजुली काटिदै, यी ठाउँमा हुने छैन बिहानभर बत्ती
काठमाडौं। मंगलबार बिहान काठमाडौंका भिआइपी क्षेत्रमा बिजुली काटिने भएको छ। रत्नपार्क र बानेश्वर वितरण केन्द्र अन्तर्गत पर्ने सिंहदरबार आसपासका क्षेत्रमा बिहान अढाइ घण्टा बिजुली काटिने विदयुत प्राधिकरणले जनाएको छ।
भूमिगत विदयुतीय तारमा आएको खराबी मर्मत गर्नको लागि लाइन सटडाउन गर्न लागिएकाले सिंहदरबार भित्रसहित आसपासका बाहिरी क्षेत्रमा पनि विद्युत आपूर्ति अवरुद्ध हुने भएको हो।
सिंहदरबार भित्र, मन्त्रालय, सिंहदरबार दक्षिण गेट बाहिर न्यूरो हस्पिटल,काठमाडौं जिल्ला अदालत, सडक विभाग, सिंहदरबार उत्तर गेटतर्फ, लोकसेवा आयोग, महालेखा नियन्त्रण कार्यालय, सिंहदरबार वैद्यखाना लगायतका क्षेत्रहरुमा बिहान ७ बजेदेखि साढे ९ बजेसम्म बिजुली काटिने भएको हो।
मर्मत कार्य निर्धारित समय भन्दा अगावै सम्पन्न भएमा निर्धारित समयभन्दा अगावै लाइन सुचारु हुन सक्ने समेत प्राधिकरणले जनाएको छ।
प्रतिक्रिया दिनुहोस्