फ्रन्टलाइन, चौतारा । तेस्रो नगर स्तरिय रास्ट्रपति रनिङ शिल्ड प्रतियोगिताको उद्घाटन बिहिबार चौतारा साँगाचोकगढी नगरपालिका ४ स्थित कालिकादेवी माबीमा नगरप्रमुख अमानसिङ तामाङको प्रमुख आतिथ्यतामा सम्पन्न भएको छ । नगर खेलकुद बिकास समितिको आयोजनामा बिहिबारबाट शुरु भएको प्रतियोगिता शनिबार समापन हुनेछ । उक्त प्रतियोगितामा नगर भरिका ११ वटा विद्यालयहरुको सहभागिता रहेको छ ।

उक्त प्रतियोगितामा ५०० जना खेलाडीहरुको सहभागिता रहेको छ । भलिवल (महिला र पुरुष छुट्टाछुट्टै), कबड्डी, एथलेटिक्स, मार्शल आर्ट लगाएतका बिधाका खेलहरु हुनेछन् । हरेक बिधामा प्रथम हुनेलाई रु. १५ हजार द्वितीय हुनेलाई रु. १२ हजार र तृतीय हुनेलाई रु. ९ हजार पुरस्कार राशी रहेको आयोजकले जनाएको छ ।
यस प्रतियोगितामा छनोट भएका खेलाडीहरुलाई २०७८ बैशाख ११ र १२ मा मेलम्चीमा हुने जिल्लास्तरिय रास्ट्रपति रनिङशील्ड प्रतियोगितामा सहभागी गराइने छ ।