बिगत डेढ दशकदेखि अमेरिकालाई कर्म थलो बनाएका गायक अशोक अर्यालको हिजो मात्रै डिजिटल बजार युट्युब मार्फत बजारमा ल्याएको मौलिक नेपाली लोक दोहोरी गीत ‘चिनो रुमाल ‘ ले दर्शक श्रोताको मन जितेको छ।गीत रिलिज भएको १ दिन मै ३०,००० भन्दा धेरै दर्शकले उक्त गीत हेरेका छन्।८ सय भन्दा धेरै दर्शक ले युट्युबमा उक्त गीतलाई लाईक र एकदमै राम्रो कमेन्टहरु गरेका छन्।

उक्त गीतमा गायक अशोक अर्याल र गायिका समिक्षा अधिकारीको आवाजमा रहेको छ।

उक्त गीतको भिडियोमा मायालु जोडि विचको प्रेम प्रसङगलाई ब्यक्त गरिएको छ।निकै मार्मिक शब्द तथा लय सिर्जना गीतमा छ।सागर खड्काको शब्द तथा राजु अर्यालको लय सिर्जना गीतमा रहेको छ।

दुर्गा पौडेलको छायाँकन,नविन धर्ति मगरको सम्पादन तथा मौसम हिमालीको कोरियोग्राफी तथा निर्देशनमा भिडियो तयार गरिएको छ।”चिनो रुमाल” गीतको भिडियोमा प्रकाश सपुत र प्रियाना आचार्य (मुन्नी)को अभिनय रहेको छ।