फ्रन्टलाइन खेल । पोर्चुगलका फरवार्ड क्रिस्टियानो रोनाल्डो इंग्लिस क्लब म्यानचेस्टर युनाईटेडमा अनुबन्धित भएका छन् । विश्व चर्चित स्टार फुटबलर रोनाल्डोलाई युनाइटेडले मंगलबार युभेन्ट्सबाट अनुबन्ध गरेको आधिकारिक जानकारी गराएको छ । ुम्यानचेस्टर युनाईटेड एक क्लब हो जसले मेरो हृदयमा विशेष स्थान पाउछ । ओल्ड ट्राफोर्डमा खेल्नको लागि म प्रतिक्षा गर्न सक्दिन,ु ुम अन्तराष्ट्रिय खेलपछि टिमसँग जोडिनेछु । मलाई आशा छ हाम्रो सिजन सफल हुनेछ । सम्झौतापछि खुसी व्यक्त गर्दै रोनाल्डोले भनेका छन् ।

रोनाल्डो १२ वर्षपछि युनाईटेड फर्किएका हुन् । ३६ वर्षीय रोनाल्डोले क्लबसँग दुई वर्षको सम्झौता गरेका हुन । रोनाल्डोलाई सम्झौता थप गर्ने विकल्प समेत दिईएको म्यान्चेष्टर युनाईटेडले जनाएको छ ।

यस अघि रोनाल्डोले सन् २००३ देखि ९ सम्म युनाईटेडबाट खेलेका थिए । उनले युनाईटेडबाट २ सय ९२ खेलमा १ सय १८ गोल गरेका थिए । त्यस समय उनले युनाईटेडबाट तीन प्रिमियर लिग, एक च्याम्पियन्स लिग, दुई लिग कप र एक एफए कप जितेका थिए । पाँच पटकको बालोन डीु ओर विजेता रोनाल्डो इंग्लिस क्लब छाडेर स्पेनिस क्लब रियल मड्रिड गएका थिए । रोनाल्डो २००९ मा स्पेनिस क्लब आएका थिए । रियलमा ९ सिजन बिताएर रोनाल्डो २०१८ मा युभेन्ट्स पुगेका थिए ।