२४ घण्टामा ३,११४ सन्क्रमित ,१६ को मृत्यु
काठमाडौं । नेपालमा कोराना सन्क्रमितको सङ्ख्या बढ्दै गएको छ ।
पछिल्लो २४ घण्टामा सन्क्रमितको सङ्ख्या बढेर तीन हजार ११४ पुगेको छ ।
यससँगै नेपालमा कोरोना भाइरसबाट सन्क्रमितको सङ्ख्या सात लाख ७९ हजार १७ पुगेको छ ।
शुक्रबार सन्क्रमितको सङ्ख्या दुई हजार ९७७ थियो ।
पछिल्लो २४ घण्टामा थप १० हजार ६३५ जनाको पिसिआर परीक्षण तथा चार हजार २८५ जनाको एन्टिजेन परीक्षण गरिएको स्वास्थ्य तथा जनसङ्ख्या मन्त्रालयले जनाएको छ ।
पिसिआर विधिबाट दुई हजार ३०९ तथा एन्टिजेन विधिबाट परीक्षण गर्दा ८०५ जनामा सङ्क्रमण पुष्टि भएको हो ।
हालसम्म छ लाख ४१ हजार ५६५ जना कोरोना भाइरसबाट मुक्त भइ घर फर्किएका छन् ।
पछिल्लो २४ घण्टामा देशभर दुई हजार १९७ सन्क्रमित निको भइ घर फर्किएको मन्त्रालयले जनाएको छ ।
काठमाडौँ उपत्यकामा पछिल्लो समय ६१५सन्क्रमित थपिएका छन् । थपिएकामध्ये काठमाडौँका ४२१, भक्तपुरका ८६ तथा ललितपुरका १०८ जना रहेका मन्त्रालयले जनाएको छ ।
काठमाडाँ उपत्यकामा सात हजार ६१९ सक्रिय सन्क्रमित रहेका छन् ।
काठमाडौँमा पाँच हजार ५७४, ललितपुरमा एक हजार ११३ तथा भक्तपुरमा ९३२ सक्रिय सन्क्रमित रहेका छन् ।
थप १६ सन्क्रमितको मृत्यु
पछिल्लो समय नेपालमा कोरोना भाइरसको सङ्क्रमणबाट थप १६ सङ्क्रमितको मृत्यु भएको छ ।
योसँगै कोरोना भाइरसको सङ्क्रमणबाट ज्यान गुमाउनेको सङ्ख्या नौ हजार ६९५ पुगेको मन्त्रालयले जनाएको छ ।
शुक्रबार कोरोनाबाट १८ जनाले ज्यान गुमाएका थिए ।
प्रतिक्रिया दिनुहोस्