फ्रन्टलाइन खेल, भदौ १८ । विश्वचर्चित पोर्चुगिज फरवार्ड क्रिस्टियानो रोनाल्डोले म्यानचेस्टर युनाईटेडमा पनि ७ नम्बरकै जर्सी लगाउने निधो भएको छ । म्यान्चेष्टर युनाइटेडले १२ वर्षपछि क्लब फर्किएका रोनाल्डोलाई ७ नम्बरको जर्सी दिने निर्णय गरेको हो । एडिन्सन काभानीले लगाउँदै आएको ७ नम्बरको जर्सी अब रोनाल्डोले लगाउँनेछन् । अब काभानीले भने २१ नम्बरको जर्सी लगाउने छन् ।

३६ वर्षीय रोनाल्डोले क्लबसँग दुई वर्षको सम्झौता गरेका छन् । यस्तै रोनाल्डोलाई सम्झौता थप गर्ने विकल्प दिईएको समेत युनाईटेडले जनाएको छ । यस अघि रोनाल्डोले सन् २००३ देखि ९ सम्म युनाईटेडबाट खेलेका थिए । उनले युनाईटेडबाट २ सय ९२ खेलमा १ सय १८ गोल गरेका थिए । त्यस समय उनले युनाईटेडबाट तीन प्रिमियर लिग, एक च्याम्पियन्स लिग, दुई लिग कप र एक एफए कप जितेका थिए ।

पाँच पटकको बालोन डीु ओर विजेता रोनाल्डो इंग्लिस क्लब छाडेर स्पेनिस क्लब रियल मड्रिड गएका थिए । २००९ मा स्पेनिस क्लब पुगेका रोनाल्डो रियलमा ९ सिजन बिताएर २०१८ मा युभेन्ट्स पुगेका थिए ।