१५ माघ, काठमाडौं । पछिल्लो २४ घण्टामा ४९०४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार १०१ पीसीआर परीक्षणमा तीन हजार ३१८ र चार हजार ४६१ एन्टिजेन परीक्षणमा एक हजार ५८६ जना गरी चार हजार ९०४ जनामा संक्रमण पुष्टि भएको हो ।

कोरोना संक्रमणका कारण पछिल्लो २४ घण्टामा ६ जनाको मृत्यु भएको छ ।

त्यस्तै पछिल्लो २४ घन्टामा थप ५ हजार ९२४ जना संक्रमित कोरोनामुक्त भएका छन् भने थप ६ जनाको मृत्यु भएको छ।

त्यस्तै संक्रमित घटेसँगै सक्रिय संक्रमितको संख्या पनि घट्न थालेको छ। नेपालमा ८७ हजार ३२९ जना सक्रिय संक्रमित रहेको मन्त्रालयले जनाएको छ।