२५ मंसिर, काठमाडौं । पछिल्लो २४ घण्टामा २३६ जनामा कोरोना संक्रमण पुष्टि भएकाे छ । स्वास्थ्य तथा जनसंख्या मन्त्रालयले दिएकाे पछिल्लाे जानकारी अनुसार देशभर गरिएको ५ हजार ६७२ पीसीआर र ३ हजार ५०६ जनाको एन्टीजेन परीक्षणका क्रममा २५९ जनामा संक्रमण पुष्टि भएको हाे ।

पीसीआर र एन्टीजेन गरी कुल संक्रमितको संख्या ९ लाख १९ हजार ७५० जना पुगेको छ। कुल संक्रमितमध्ये ५ हजार ८८३  सक्रिय संक्रमित रहेकाे मन्त्रालयले जनाएकाे छ।

गत २४ घण्टामा ३०७ जना संक्रमित निको भएका छन्। योसँगै देशभर निको हुनेको संख्या ८ लाख ६ हजार ५४४ पुगेको छ।

मन्त्रालयका अनुसार साेही अवधिमा १ जना संक्रमितको मृत्यु भएको छ ।

हालसम्म कोरोना संक्रमणबाट मृत्यु हुनेको संख्या ११ हजार ५५३ पुगेको छ। हाल ९८ जना क्वारेन्टाइनमा रहेका छन् भने ११३ जना आइसीयू र २७ जना भेन्टिलेटरमा रहेको मन्त्रालयले जनाएको छ।