हेलिकप्टर दुर्घटनामा मृत्यु भएका विपिन राउत र उनकी पत्नीको शुक्रबार अन्तिम संस्कार
२३ मंसिर, नयाँदिल्ली । हेलिकप्टर दुर्घटनामा मृत्यु भएका भारतका चिफ अफ डिफेन्स स्टाफ(सीडीएस) विपिन राउत र उनकी पत्नी मधुलिकाको शुक्रबार अन्तिम संस्कार हुने भएको छ ।
तमिलनाडुको कुन्नूरमा बिहीबार भारतीय सेनाको हेलिकप्टर दुर्घटना हुँदा सीडीएस रावत, उनकी पत्नी लगायत १३ जना सैनिक अधिकारीको मृत्यु भएको थियो ।
शुक्रबार दिल्लीमा रावतको अन्तिम संस्कार हुँदैछ । अर्का एक जना मेजरको स्थानीय अस्पतालमा उपचार भइरहेको छ ।
सीडीएस रावत र उनकी पत्नी मधुलिकाको पार्थिव शरीर बिहीबार दिल्ली ल्याउने भारतीय संचारमाध्यहरुले जनाएका छन् ।
सीडीएस रावतको गृह राज्य उत्तराखण्डमा त्यहाँको राज्य सरकारले तीन दिन राजकीय शोकको घोषणा गरेको छ ।
प्रतिक्रिया दिनुहोस्