हृदयेन्द्रको जुम्ला ‘भ्लग’ बारे माओवादी सांसद लामाको कडा टिप्पणी

समाचार सारांश

नेकपा (माओवादी केन्द्र) की सांसद छिरिङ ल्हामु लामाले पूर्व युवराज हृदयेन्द्रको जुम्ला भ्लगप्रति असन्तुष्टि जनाइन्।
सांसद लामाले शाहको ‘भ्लग’ ले जुम्लालाई चिनाउन नसक्ने र राजतन्त्रको आलोचना गरिन्।
लामाले शाहको वंशले देशलाई कंगाल बनाएको आरोप लगाउँदै, अन्य ब्लगरको योगदानको प्रशंसा गरिन्।

काठमाडौँ । पूर्व नवयुवराज हृदयेन्द्र वीरविक्रम शाहको ‘जुम्ला भ्लग’लाई लिएर नेकपा (माओवादी केन्द्र) की सांसद छिरिङ ल्हामु लामाले तीव्र असन्तुष्टि पोखेकी छिन् । जुम्लाको पहिचानलाई विश्वमाझ चिनाउने उद्देश्यले बनाइएको शाहको ‘भ्लग’लाई लिएर लामाले शुक्रबार सामाजिक सञ्जाल फेसबुकमार्फत असन्तुष्टि पोखेकी हुन् ।

शाहको ‘भ्लग’ ले यतिबेला निकै चर्चा पाएको छ । सञ्चारमाध्यमले पनि प्राथमिकताका साथ समाचार प्रकाशित गरिरहेको बेला उनले शाहले जुम्लामा प्रवेश गर्नु अपवित्र भएको टिप्पणी गरेकी छिन् ।

संघीय प्रतिनिधिसभामा जुम्लाबाट प्रतिनिधित्व गरेकी लामाले देशलाई शाहकै जिजु बाजेहरूले नै कंगाल बनाएको आरोप लगाएकी छिन् । दरबारमा भोटे कुकुरका छाउरा हुर्केझैँ ऐस आरामले हुर्केकाले जुम्लालाई चिनाउन आवश्यक नभएको लामाले आक्रोश पोखेकी छिन् ।

#हृदयेन्द्र वीरविक्रम शाह #जुम्ला # हृदयेन्द्र शाह #राजनीति