१२ माघ, तानसेन ।  स्कुटी र ट्याक्टर एक आपसमा ठोक्किँदा स्कुटरमा रहेकी महिलाको मृत्यु भएको छ।

बुधबार दिउँसो तानसेन नगरपालिका–७ बर्तुङ्गमा तानसेनदेखि बुटवलतर्फ जाँदै गरेको लु ३ त ४३१५ नम्बरको ट्याक्टर र लु ४४ प १६१९ नम्वरको स्कुटर ठोक्किँदा पछाडि बसेकी महिलाको मृत्यु भएको हो। 

मृत्यु हुनेमा माथागढी गाउँपालिका-३ सराइकी ५५ वर्षीय कान्तिश्वरा गाहाँ रहेको प्रहरीले जनाएको छ।

 दुर्घटनामा परि घाइते भएकी गाहाँलाई उपचारका लागि लुम्बिनी मेडिकल कलेज प्रभासमा लगिएकोमा उनको अस्पतालमै मृत्यु भएको हो।  

स्कुटर चालक मृतक गाहाँका श्रीमान यमबहादुर गाहाँ भने सकुशल रहेका छन्।  स्कुटर ट्याक्टरको पछाडिको ट्रलिमा ठोक्किन जाँदा पछाडिको टायरले महिला किचिएको र घटनाको थप अनुसन्धान भइरहेको प्रहरीले जनाएको छ।