सेयर बजार ४.१२ अङ्कले बढ्यो, ४ अर्ब ७३ करोडको कारोबार
काठमाडौँ । धितोपत्र बजारमा मंगलबार सेयर कारोबार मापक नेप्से परिसूचक सामान्य अङ्कले बढेर बन्द भएको छ।
अघिल्लो कारोबार दिनको तुलनामा नेप्से परिसूचक ४.१२ अङ्कले बढेर २५९९.९३ विन्दुमा पुगेको छ।
आज कुल ३५१ वटा कम्पनीका १ करोड ३५ लाख ५३ हजार ९७ कित्ता सेयर कारोबारमार्फत ४ अर्ब ७३ करोड ६९ लाख रुपैयाँ बराबरमा खरीदबिक्री भएका छन्।
कारोबारमा आएकामध्ये १०४ वटा कम्पनीको सेयर मूल्य बढेको छ भने १६७ वटा कम्पनीको घटेको छ र ७ वटा कम्पनीको मूल्य स्थिर रहेको छ।
प्रतिक्रिया दिनुहोस्