सुन्दरीजलमा बागमतीमा खसेको युवकको जिवितै उद्धार
२८ साउन, काठमाडौं । काठमाडौंको सुन्दरीजलमा खोलामा खसेको युवकको जिवितै उद्धार गरिएको छ ।
शनिवार दिउँसो साढे ४ बजेतिर एक जना व्यक्ति चिप्लिएर बागमतीमा खसेको र ढुंगामा अड्किएर बसेको अवस्थामा प्रहरीले उद्धार गरेको हो ।
खोलामा मानिस खसेको जानकारी पाएपछि प्रहरी प्रभाग सुन्दरीजलबाट प्रहरी सहायक निरीक्षकको कमाण्डमा खटिएको टोलीले स्थानीय नेपाली सेनासमेतको सहयोगमा ती व्यक्तिको उद्धार गरेको हो ।
खोलामा अड्किएका उनको दिउँसो साढे ५ बजेतिर उद्धार गरिएको सुन्दरीजलस्थित प्रहरी प्रभागले बताएको छ । उद्धार गरिएको युवकको पहिचान भने खुलेको छैन ।
प्रतिक्रिया दिनुहोस्