सिन्धुपाल्चोकमा यात्रुवाहक बस दुर्घटना हुँदा १२ जना घाइते
१४ फागुन, सिन्धुपाल्चोक । सिन्धुपाल्चोकमा शनिवार यात्रुवाहक बस दुर्घटना हुँदा १२ जना घाइते भएका छन् ।
काठमाडौंबाट इन्द्रावती बडहरेतर्फ जाँदै गरेको बा २ ख ६५८८ नम्बरको बस अपरान्ह ५ बजे दुर्घटना भएको हो ।
इन्द्रावती गाउँपालिका–११, खोलाबगरस्थित भित्री कच्ची सडकको मोडमा ब्रेक नलाग्दा बस दुर्घटना भएको सिन्धुपाल्चोक प्रहरीले जनाएको छ ।
घाइतेहरूको स्थानीय अस्पतालमा उपचार भइरहेको छ । घटनाबारे थप अनुसन्धान भइरहेकाे प्रहरीले जनाएको छ ।
प्रतिक्रिया दिनुहोस्