सिद्धार्थ राजमार्ग एकतर्फी सञ्चालनमा
स्याङजा । आज बिहानदेखि अवरुद्ध भएको सिद्धार्थ राजमार्ग सञ्चालनमा आएको छ ।
सिद्धार्थ राजमार्गको भालुपहाडमा माथिबाट खसेको पहिरोले पूर्णरुपमा अवरुद्ध बनेको सडक झण्डै पाँच घण्टापछि एकतर्फी सञ्चालनमा आएको हो ।
सडकभन्दा माथिबाट चट्टानसहित झरेको पहिरोका कारण सिद्धार्थ राजमार्गको पोखरा–स्याङ्जा सडकखण्ड अवरुद्ध भएकोे थियो ।
पोखराबाट आएको सडक विभागको डोजरले बाटो खुलाएसँगै अहिले रोकिएका सवारी साधन गन्तव्यतर्फ लागेका छन् ।
प्रतिक्रिया दिनुहोस्