सवारी दुर्घटना, ४ भारतीय नागरिकको मृत्यु
२८ कार्तिक, जनकपुरधाम । रौतहटमा सवारी दुर्घटनामा परी चार भारतीय नागरिकको मृत्यु भएको छ । गएराति अमुनामाई गाउँपालिकाको झुन्खुन्वा चौक नजिक कार दुर्घटना भएको हो ।
चन्द्रनिगाहपुरसँग जोडिएको सहायक राजमार्ग सडक खण्ड अन्तर्गत पर्ने उक्त सडखण्डमा यूके १२ सी २९०० नम्बर प्लेटको कारमा सवार चार जना भारतीय नागरिकको मृत्यु भएको प्रहरी उपीक्षक दिनेश घिमिरेले जानकारी दिए ।
प्रहरीले उनीहरुको साथमा भएको आईडी कार्डको आधारमा भारतीय नागरिक रहेको पहिचान गरेको हो । यद्यपि, उनीहरुको सनाखत हुन सकेको छैन । प्रहरीले घर परिवारलाई जानकारी गराइसकेको छ ।
उनका अनुसार झुन्खुवाचौकदेखि उत्तरपट्टी रहेको पेट्रोलपम्प नजिक अनियन्त्रित भएर दुर्घटना कार सडक पेटीभन्दा करिब २० मिटर तल पानीमा डुबेको थियो ।
चारैजनाको शव पोस्टमार्टमका लागि जिल्ला अस्पताल गौरमा राखिएको छ। दुर्घटनामा परेको कारलाई गहिरो पानीबाट राति नै प्रहरीले क्रेन लगाएर निकालेको छ ।
प्रतिक्रिया दिनुहोस्