४ मंसिर, काठमाडौं । प्रदेश तथा प्रतिनिधिसभा निर्वाचनको तोकिएको मतदान समय सकिएको छ । साँझ ५ बजेसम्का लागि तोकिएको मतदान सकिएपनि लाइनमा बसेकाहरुले अबेरसम्म मतदान गर्न पाउने निर्वाचन आयोगले जनाएको छ ।

मतदान समय सकिएसँगै आयोगले आइतबार राति ७ः ५० बजेका लागि पत्रकार सम्मेलन डाकेको छ । आइतबार बिहान ७ बजेदेखि सुरु भएको थियो ।

अघिल्ला निर्वाचनझैँ यसपटकको निर्वाचनमा मतदातामा उत्साह नदेखिएको पर्यवेक्षकहरुले दिएका हुन् । निर्वाचनमा एक करोड ७९ लाख ८८ हजार ५७० मतदाता मतदान प्रक्रियामा भाग लिने सूची तयार पारिएको थियो ।

तर, उक्त संख्यामध्ये कति प्रतिशत मत खस्यो त्यसबारे आयोगले जानकारी दिन बाँकी छ । आज देशभर १५ केन्द्रमा मतदान रोकिएको छ ।