संसद्भित्र मिठाई बाँड्दा केन्याकी सांसद निलम्बित
२३ पुस, नाइरोबी । संसद्भित्र मिठाई बाँड्दा केन्याकी सांसद निलम्बित भएकी छन् । संसद्भित्र रहेका आफ्ना सहकर्मीलाई मिठाई बाँड्दा सांसद फातुमा गेडि एक दिनका लागि निलम्बित भएकी हुन् ।
संसद् बैठक चलिरहेको बेला घुस खुवाउन खोजेको भन्दै सांसद् फातुमाका सहकर्मी नदिन्दी न्योरोले आरोप लगाएको र लगत्तै उनलाई निलम्बनमा पारिएको बीबीसीमा समाचार छ ।
निलम्बित सांसद्ले एकदिन लामो कार्यक्रममा संसद्का सदस्यको शरीरमा चिनीको मात्रा घटेकाले उर्जा ल्याउन सबैलाई मिठाई बाँडेको बयान दिएकी छन् ।
संसद्भित्रको नियम तोडेको भन्दै उनलाई निलम्बन पारिएको बताइएको छ।
प्रतिक्रिया दिनुहोस्