विराटनगर । मोरङको वेलबारी नगरपालिका ७ मा श्रीमतीको हत्या आरोपमा श्रीमान पक्राउ परेका छन् ।

श्रीमतीको हत्या आरोपमा ५६ बर्षीय अम्बिका घिमिरे पक्राउ परेका हुन् ।

४८ बर्षीय सिता घिमिरेलाई उनकै श्रीमान् ५६ बर्षीय घिमिरेले हत्या गरेका हुन् ।

घटनाको जानकारी पाए लगतै ईलाका प्रहरी कार्यालय बेलबारीबाट प्रहरी टोलीले हत्यामा संलग्न घिमिरेलाई घरबाट २ किलोमिटर दक्षिणबाट पक्राउ गरेको हो ।

प्रहरीले उनलाई गुवालीमा लुकी छिपी बसेको अबस्थामा पक्राउ गरिएको जिल्ला प्रहरी कार्यालय मोरङले जनाएको छ ।

शुक्रबार बेलुका अम्बिका घिमिरेले मादक पदार्थ सेवन गरी घरमा गएको र श्रीमतीसँग सामान्य वादविवाद भई दुवै जना सुतेको र राती उठी एक्कासी आवेसमा आई काठको मुङ्ग्रोले निधाई रहेकी श्रीमती सिताको वाँया कन्चटमा चार÷पाँच पटक प्रहार गरी हत्या गरेको प्रारम्भिक अनुसन्धानबाट खुल्न आएको प्रहरीले जनाएको छ ।

पक्राउ परेका घिमिरे उपर ज्यान सम्बन्धी कसूरमा थप अनुसन्धान भई रहेको जनाईएको छ ।