विश्वका १६० मुलुकका राजनीतिक दलको बैठकलाई चिनियाँ राष्ट्रपतिको सम्बोधन
काठमाडौं । चिनियाँ राष्ट्रपति सी जिनपिङले विकास नै विश्वका विभिन्न मुलुकका जनताको अधिकार भएको बताउनुभएको छ ।
चिनियाँ कम्युनिष्ट पार्टी सीपीसी र विश्वका १६० मुलुकका राजनीतिक दलको बैठकलाई बेइजिङबाट सम्बोधन गर्दै सीपीसीका महासचिव समेत रहनुभएका जिनपिङले निष्पक्ष र प्रभावकारी रुपमा आवश्यक तालमेलसहित विकासमा केन्द्रित हुनुपर्नेमा जोड दिनुभयो ।
उहाँले हरित विकासमा समेत डटेर अघि बढ्नुपर्ने आवश्यकता औंल्याउनुभयो ।
भर्चुअल बैठकमा उहाँले कोभिड–१९ महामारी, जलवायु परिवर्तन र आतंकवादजस्ता मानवताविरोधी मुद्दामा सबै मुलुक मिलेर अघि बढ्नुपर्ने बताउनुभयो ।
चिनियाँ राष्ट्रपति जिनपिङले चीनले चिनियाँ विशेषतासहितको अधिकार नागरिकलाई दिएको समेत बताउनुभयो ।
भर्चुअल बैठकमा नेपालका प्रधानमन्त्री केपी शर्मा ओलीसहित विभिन्न देशका राजनीतिक दलका नेताहरु सहभागी छन् ।
प्रतिक्रिया दिनुहोस्