समाचार सारांश

• अख्तियार दुरुपयोग अनुसन्धान आयोगले विशेष अदालतबाट सफाइ पाएका दुई भ्रष्टाचार मुद्दामा पुनरावेदन गरेको छ।
• महेन्द्रनगर विकास समितिका तत्कालीन अध्यक्षहरू कान्तुराम पनेरु र पल्टु राणाविरुद्धको मुद्दामा सफाइ दिइएको थियो।
• अख्तियारले राणाविरुद्ध १ करोड ९३ लाख ११ हजार र पनेरुविरुद्ध २९ लाख ७४ हजार रुपैयाँको भ्रष्टाचार मुद्दा दायर गरेको थियो।

काठमाडौँ । विशेष अदालतले सफाइ दिएका दुई भ्रष्टाचार मुद्दा पुनरावलोकनका लागि अख्तियार दुरुपयोग अनुसन्धान आयोगले सर्वोच्च अदालतमा पुनरावेदन गरेको छ । अख्तियारले महेन्द्रनगर विकास समितिका तत्कालीन अध्यक्षहरू कान्तुराम पनेरु र पल्टु राणाविरुद्ध विशेषमा मुद्दा दायर गरेको थियो ।

राणाविरुद्ध १ करोड ९३ लाख ११ हजार र पनेरुविरुद्ध २९ लाख ७४ हजार रुपैयाँको भ्रष्टाचार मुद्दा दायर भएकोमा विशेषले २०८१ वैशाख २४ गते सफाइ दिएको थियो ।

उक्त फैसला चित्त नबुझी अख्तियारले भ्रष्टाचार निवारण ऐन, २०५९ को दफा ८ को उपदफा (१) बमोजिम सजाय दफा र दफा ८ को उपदफा (१) बमोजिम बिगो असुल उपर गर्न माग दाबी लिएको छ ।

अख्तियार दुरुपयाेग अनुसन्धान आयाेग|अख्तियार| भ्रष्टाचार| पुनरावेदन