विमान दुर्घटनामा बेपत्ता एकजनाको अवस्था अझै अज्ञात
८ माघ, काठमाडौं । पोखरा विमान दुर्घटनामा बेपत्ता भएका एकजनाको अवस्था अझै अज्ञात रहेको छ । दुर्घटना भएको एक हप्ता बितिसक्दा पनि एकजनाको अवस्था अझै थाह हुन नसकेको हो ।
नेपाली सेनाले दिनहुँ खोज्ने काम जारी राखिएको जानकारी दिएको छ ।
रात परेकाले आजका लागि खोजी कार्य स्थगित गरिएको सेनाले जनाएको छ ।
माघ १ गते आइतबार यती एयरको विमान दुर्घटनामा परेको थियो । जसमा सवार ७२ जनाध्ये ७१ जनाको शव भेटिसकेको छ ।
प्रतिक्रिया दिनुहोस्