५ जेठ, रौतहट । रौतहटको चन्द्रपुर नगरपालिकाको मेयर र उपमेयर दुवै पदमा नेपाली कांगे्रसका उम्मेदवार विजयी भएका छन् । मेयरमा संजय काफ्ले र उपमेयरमा जयमाला चौधरी निर्वाचित भएका हुन् ।

निकटतम प्रतिद्वन्द्वी नेकपा एमालेका शिव प्रसाद आचार्यलाई २ हजार ६३९ मतान्तरले पराजित गर्दै काफ्ले नगर प्रमुखमा निर्वाचित भए । उनले ९ हजार १६३ मत प्राप्त गर्दा गरे भने आचार्य ६ हजार ५२४ मत पाए ।

यसैगरी उपप्रमुखमा चौधरीले नेकपा माओवादी केन्द्रकी देवकी नेपाललाई पराजित गरिन् । उनले ११ हजार ३७८ मत पाउँदा नेपालले ७ हजार ६४० मत पाइन् ।

चन्द्रपुर नगरपालिका नेपाली कांग्रेसले ५ वडामा, नेकपा माओवादी केन्द्रले ३ वटा वडा र नेकपा एमालेले २ वटा वडामा विजय प्राप्त गरेको निवार्चन अधिकृत बद्री कुमार कार्कीले जानकारी दिए ।