गैर आवासिय नेपाली संघ एनआरएनए अमेरिकाको आशन्न निर्वाचन (२०२१-०२३) का लागि एनसीसी बोर्ड अफ डाईरेक्टर पदमा राज ढुंगानाले उमेद्वारी घोषणा गरेका छन् । लामो समयदेखी कोलोराडोमा रहेर सामाजिक सक्रिय छवि बनाएका ढुंगानाले नयाँ कार्यसमिती निर्वाचनमा एनसीसी बोर्ड अफ डाईरेक्टर पदमा आफ्ना मुख्य प्रतिवद्धता सहित उमेद्वारी सार्वजनिक गरेका हुन् ।सन् २००३ देखी अमेरिकाको कोलोराडो क्षेत्रलाई आफ्नो कर्मभूमि बनाएर नेपाली समुदायको हितमा जुजारु उनि सन् २०१७-०१९ को कार्यकाका निर्वाचित एनआरएनए अमेरिका कोलोराडो च्याप्टर अध्यक्ष हुन् ।

सन् २०१५ ०१७ का लागि नेपाली घरको उपाध्यक्ष उनि २०१९-०२१ का लागि एनआरएनए अमेरिका हेप्प डेक्स म्यानेज्मेण्ट कमिटीमा को चियरको भूमिकामा रहेर नेपाली समुदाय लक्षित महत्वपूर्ण कामहरु गरेका छन् ।ढुंगानाका अनुसार एनआरएनको मेरुदण्ड भनेको च्याप्टरहरू हुन । त्यसैले च्याप्टरहरूको अवस्था र समस्याले सिंगो एनआरएनए कमजोर बन्छ । त्यसैले ग्राउण्ड लेभल देखी च्याप्टरका समस्या बुझेको मान्छेले नै एनसीसीको पदिय मर्यादा कायम राख्न सक्दछ ।