काठमाडौँ । गृहमन्त्री रमेश लेखकले राजावादी समूहले चैत १५ गते राजधानीको तीनकुनेमा गरेको प्रदर्शन हिंसात्मक बन्नुमा उनीहरू नै जिम्मेवार रहेको बताएका छन् । राजावादी समूह र दुर्गा प्रसाईविरुद्ध आक्रामक रूपमा प्रस्तुत भएका गृहमन्त्री लेखकले संविधान र व्यवस्थाप्रति वितृष्णा फैलाउने एक मात्र उद्देश्यकासाथ उक्त प्रदर्शनमा अराजकता मच्चाउने काम भएको दाबी गरे । 

शुक्रबार प्रतिनिधि सभाको राज्य व्यवस्था तथा सुशासन समितिको बैठकमा बोल्दै गृहमन्त्री लेखकले शान्तिपूर्वक भेला हुन पाउने संविधान प्रदत्त अधिकारको अवमूल्यन हुनेगरी भएको तोडफोड, विध्वंस तथा आक्रमण कुनै राजनीतिक दर्शन, विचार र आदर्शबाट प्रेरित भएको थियो भनेर अनुमानसम्म  गर्न नसकिने बताए ।  आफ्ना असहमतिहरू शान्तिपूर्वक राख्ने र जनमतबाट अनुमोदित हुने अधिकार संविधानतः सुनिश्चित हुँदाहुँदै अराजक शैलीमा भएको घटनाको कानुनी र नैतिक दायित्व यसका आयोजक र संलग्नहरूले नै लिनु पर्दछ भन्ने कुरामा सरकार प्रस्ट रहेका बताए । 

 सोही अनुसार गम्भीरतापूर्वक अनुसन्धान गरी दोषीमाथि कानुन बमोजिम कारबाही गरिने कुरामा विश्वस्त रहन उनले आग्रह गरे । उनले भने, ‘ ‘आगामी दिनमा यस प्रकार गैरजिम्मेवार, अराजक र उद्दण्डतापूर्ण गतिविधि हुन नदिन सरकार प्रतिबद्ध रहेको ब्यहोरा निवेदन गर्दछु। साथै यस किसिमका अराजक गतिविधिहरूमा संलग्न नहुन समितिमार्फत आम नागरिकहरूमा हार्दिक अपिल समेत गर्दछु।’

मन्त्री लेखकले संविधान प्रदत्त विचार र अभिव्यक्तिको स्वतन्त्रता र बिना हातहतियार शान्तिपूर्वक भेला हुन पाउने नागरिक अधिकारको चरम अवमूल्यन हुनेगरी व्यक्तिका निजी सम्पत्ति, सञ्चार गृह, राजनीतिक दलका कार्यालय, व्यापारिक केन्द्र तथा सवारी साधनमा भएको तोडफोड, विध्वंस तथा आक्रमण कुनै राजनीतिक दर्शन, विचार र आदर्शबाट प्रेरित भएको थियो वा होला भनेर अनुमानसम्म पनि आजको सभ्य समाजले गर्न नसक्ने बताए । 

‘घटनाक्रमलाई विश्लेषण गर्दा यो नियोजित रूपमा अराजकता फैलाउने आपराधिक तथा विध्वंसात्मक कार्य हो भन्ने कुरामा विवाद हुनै सक्दैन। आफ्ना असहमतिहरू शान्तिपूर्वक राख्ने र जनमतबाट अनुमोदित हुने अधिकार सबैलाई संविधानले दिएको छ। तर अराजक शैलीमा भएको लुटपाट, तोडफोड र आगलागी तथा सुरक्षाकर्मीमाथि गाडी गुडाउनेसम्मको प्रयास अक्षम्य र भर्त्सनायोग्य छ’, उनले भने, ‘यस्तो कार्यको कानुनी दायित्व यसका रचनाकार तथा आयोजक र संलग्नहरूले लिनु पर्दछ भन्ने कुरामा सरकार प्रस्ट छ ।’

आगामी दिनमा संविधान र व्यवस्था विरोधी अराजक गतिविधिलाई कानुनको दायरामा ल्याई नागरिकमा सुरक्षाको प्रत्याभूति दिलाउने र लोकतान्त्रिक अधिकारको निर्बाध उपभोग गर्न पाउने वातावरण निर्माण गर्ने कुरामा सरकार थप क्रियाशील भई काम गर्नेमा उनको भनाइ थियो ।

 सोही अनुसार गम्भीरतापूर्वक अनुसन्धान गरी दोषीमाथि कानुन बमोजिम कारबाही गरिने कुरामा विश्वस्त रहन उनले आग्रह गरे । उनले भने, ‘ ‘आगामी दिनमा यस प्रकार गैरजिम्मेवार, अराजक र उद्दण्डतापूर्ण गतिविधि हुन नदिन सरकार प्रतिबद्ध रहेको ब्यहोरा निवेदन गर्दछु। साथै यस किसिमका अराजक गतिविधिहरूमा संलग्न नहुन समितिमार्फत आम नागरिकहरूमा हार्दिक अपिल समेत गर्दछु।’

मन्त्री लेखकले संविधान प्रदत्त विचार र अभिव्यक्तिको स्वतन्त्रता र बिना हातहतियार शान्तिपूर्वक भेला हुन पाउने नागरिक अधिकारको चरम अवमूल्यन हुनेगरी व्यक्तिका निजी सम्पत्ति, सञ्चार गृह, राजनीतिक दलका कार्यालय, व्यापारिक केन्द्र तथा सवारी साधनमा भएको तोडफोड, विध्वंस तथा आक्रमण कुनै राजनीतिक दर्शन, विचार र आदर्शबाट प्रेरित भएको थियो वा होला भनेर अनुमानसम्म पनि आजको सभ्य समाजले गर्न नसक्ने बताए । 

‘घटनाक्रमलाई विश्लेषण गर्दा यो नियोजित रूपमा अराजकता फैलाउने आपराधिक तथा विध्वंसात्मक कार्य हो भन्ने कुरामा विवाद हुनै सक्दैन। आफ्ना असहमतिहरू शान्तिपूर्वक राख्ने र जनमतबाट अनुमोदित हुने अधिकार सबैलाई संविधानले दिएको छ। तर अराजक शैलीमा भएको लुटपाट, तोडफोड र आगलागी तथा सुरक्षाकर्मीमाथि गाडी गुडाउनेसम्मको प्रयास अक्षम्य र भर्त्सनायोग्य छ’, उनले भने, ‘यस्तो कार्यको कानुनी दायित्व यसका रचनाकार तथा आयोजक र संलग्नहरूले लिनु पर्दछ भन्ने कुरामा सरकार प्रस्ट छ ।’

आगामी दिनमा संविधान र व्यवस्था विरोधी अराजक गतिविधिलाई कानुनको दायरामा ल्याई नागरिकमा सुरक्षाको प्रत्याभूति दिलाउने र लोकतान्त्रिक अधिकारको निर्बाध उपभोग गर्न पाउने वातावरण निर्माण गर्ने कुरामा सरकार थप क्रियाशील भई काम गर्नेमा उनको भनाइ थियो ।

#रमेश लेखक