राजावादी प्रदर्शनमा लाठीचार्ज, केही प्रदर्शनकारी घाइते
काठमाडौंको नक्सालस्थित नारायणचौरबाट बालुवाटार जान खोज्दा प्रहरीले अवरोध गरेको थियो ।
News Summary
Generated by OK AI. Editorially reviewed.
- प्रदर्शनकारीले बालुवाटार जाने प्रयास गरेपछि प्रहरीले लाठीचार्ज गरेको थियो।
- प्रदर्शनमा घाइते केही व्यक्तिहरू भएका छन् र राप्रपा नेपालका अध्यक्ष कमल थापालाई नियन्त्रणमा लिइएको छ।
- राजावादीहरूले १५ जेठदेखि काठमाडौंमा आन्दोलन जारी राखेका छन्।
१८ जेठ, काठमाडौं । आइतबारको राजावादी प्रदर्शनमा प्रहरीले लाठी चार्ज गरेको छ ।
काठमाडौंको नक्सालस्थित नारायणचौरबाट बालुवाटार जान खोज्दा प्रहरीले अवरोध गरेको थियो ।
प्रदर्शनकारी जबरजस्ती बालुवाटार जान खोजेपछि प्रहरीले प्रदर्शनकारीमाथि लाठी चार्ज गरेको हो ।
प्रहरीको लाठीचार्जबाट केही प्रदर्शनकारी घाइते भएका छन् ।
प्रदर्शनको क्रममा राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापालाई प्रहरीले नियन्त्रणमा लिएको छ । थापालाई नियन्त्रणमा लिइएको जिल्ला प्रहरी परिसर काठमाडौंका एसपी अपिलराज बोहराले जानकारी दिए ।
राजसंस्था पुनर्स्थापना र हिन्दू राज्यको माग गर्दै प्रदर्शनमा उत्रिएका राजावादीहरूले १५ जेठदेखि काठमाडौं केन्द्रित आन्दोलन जारी राखेका छन् ।
प्रतिक्रिया दिनुहोस्