मोटरसाइकलको ठक्करबाट इन्सपेक्टर मुक्ति सिक्देलको मृत्यु
६ फागुन, काठमाडौं । धादिङ सदरमुकाम धादिङबेसी जोड्ने कालु पाँडे राजमार्गमा शुक्रबार बिहान मोटरसाइकलको ठक्करबाट पूर्वप्रहरी निरीक्षक (इन्सपेक्टर) मुक्ति सिक्देलको मृत्यु भएको छ ।
राजमार्गको नलाङ बैरेनी खण्डमा मोटरसाइकलको ठक्करबाट मर्निङवाकमा रहेका सिद्धलेक-१ का सिक्देलको घटनास्थलमै मृत्यु भएको हो ।
सिक्देललाई ठक्कर दिई फरार रहेका सिद्धलेक-२ पात्लेका चालक लोकबहादुर मगरलाई प्रहरीले खानीखोलाबाट नियन्त्रण लिइसकेको जिल्ला प्रहरी कार्यालय धादिङका प्रवक्ता प्रहरी नायव उपरीक्षक जागेश्वर भण्डारीले जानकारी दिए ।
मगर दुर्घटनासँगै आफूले चलाएको बा.अ.३४ प ५०५२ नम्बरको मोटरसाइकल छाडेर भागेका थिए ।
प्रतिक्रिया दिनुहोस्