चितवन । नेपाली कांग्रेसको १४ औं महाधिवेशन अन्तरगत माडीका ९ वटै वडामा वडा कार्यसमिति चयन भएको छ । माडी नगरपालिकामा रहेका सबै ९ वटा वडामा सर्वसम्मत कार्यसमिति चयन भएको निर्वाचन समितले जनाएको हो ।

निर्वाचित वडा सभापतिहरुमध्ये माडी नगरपालिका वडा नं. १ मा रामचन्द्र महतो, वडा नं.२ मा जीवलाल लुइटेल, वडा नं. ३ मा शिवराम महतो, वडा नं.४ मा वेदप्रसाद पाण्डे र वडा नं.५ मा झलकराम बराल रहनुभएको छ । त्यस्तै वडा नं. ६का सभापतिमा गणेशकुमार मकाजु, वडा नं.७ मा ढाकामोहन तिमिल्सिना, वडा नं.८मा हेमबहादुर कार्की र वडा नं.९ मा भक्तिराम पौडेल वडा सभापतिमा चयन हुनुभएको हो ।