३ पुस, हानोइ ।  भ्रष्टाचारविरुद्ध कलम चलाउँदा एक अभियन्ता एवम् लेखकमाथि भियतनामको अदालतले १० वर्षको जेल सजाय सुनाएको छ।

एकदलीय कम्प्युनिस्ट राज्य भएको भियतनाम सरकारले गरेको भ्रष्टाचारविरुद्ध आलोचना गरेको आरोपमा अदालतले अभियन्ता दो नम ट्रङलाई बिहीबार सो सजाय सुनाएको हो ।

सामाजिक सञ्जालमार्फत राज्यमाथि भ्रष्टाचारको आरोप लगाउँदै राज्यविरोधी सामग्री फैलाएको आरोप दो नममाथि लागेको थियो । उनी जुलाई १९ मा सोहि आरोपमा पक्राउ परेका थिए ।

सो आरोपमा उत्तरी भियतनामको पिपुल्स कोर्टले भियतनामको दण्ड संहिताको धारा ११७ अन्र्तगत १० वर्षको जेल सुनाएको हो ।

विभिन्न सामाजिक आन्दोलनका अगुवा बनेका दो नम पछिल्लो समय भियतनाम सरकारले गरेको भ्रष्टाचारविरुद्ध खुलेआम कलम चलाउँदै र भ्रष्टाचारविरुद्ध अभिव्यक्ति दिँदै आएका थिए।