भारतीय प्रधानमन्त्री मोदीको आमाको निधनप्रति प्रधानमन्त्रीद्वारा शोक व्यक्त
१५ पुस, काठमाडौं । भारतीय प्रधानमन्त्री नरेन्द्र मोदीको आमाको निधनप्रति प्रधानमन्त्री पुष्पकमल दहाल’प्रचण्डले’ शोक व्यक्त गरेका छन्। उनले ट्विट गर्दै मोदी र उनको परिवारजनप्रति हार्दिक संवेदना व्यक्त गरेका छन्।
प्रधानमन्त्री प्रचण्डले मृतकको आत्माको चीर शान्तिको कामना गरेका छन्।
उनले लेखे, ‘यस शोकको घडीमा भारतीय प्रधानमन्त्री नरेन्द्र मोदी र उनको परिवारजनप्रति हार्दिक संवेदना प्रकट गर्छु। मृतकको आत्माको चीर शान्तिको कामना गर्दछु।’
भारतीय प्रधानमन्त्री मोदीकी आमा हिराबेन मोदीको १०० वर्षको उमेरमा आज बिहान निधन भएको छ । बुधबार हिराबेनको स्वास्थ्यमा समस्या आएपछि अहमदाबादको यूएन मेहता अस्पतालमा भर्ना गरिएको थियो।
अस्पतालद्वारा जारी विज्ञप्ति अनुसार प्रधानमन्त्रीकी आमा हिराबेनको स्थानीय समयअनुसार शुक्रबार (डिसेम्बर ३०) बिहान ३:३० बजे निधन भएको हो ।
प्रधानमन्त्री मोदीले आफ्नी आमाको निधनबारे ट्विट गर्दै जानकारी दिएका थिए।
प्रतिक्रिया दिनुहोस्