समाचार सारांश

• बारा प्रहरीले भन्सार छलीका सामानसहित ट्रक नियन्त्रणमा लिएको छ।
• प्रहरीले ५२ लाख ७० हजार रुपैयाँभन्दा बढीको सामानसहित ट्रक नियन्त्रणमा लिएको हो।
• नियन्त्रणमा लिइएका सामानमा कपडा, साइकल पार्टपुर्जा, केमिकल, औषधि र खुद्रा सामानहरू छन्।

बारा । बारा प्रहरीले ठुलो परिमाणमा भन्सार छलीका सामानसहित ट्रक नियन्त्रणमा लिएको छ । प्रहरीले विशेष सूचनाको आधारमा ५२ लाख भन्दा बढीको सामान नियन्त्रणमा जानकारी दिएको छ । 

भन्सार छलीको आशङ्कामा प्रहरीले ५२ लाख ७० हजार रुपैयाँभन्दा बढी मूल्य बराबरको सामानसहित एक ट्रक नियन्त्रणमा लिएको हो।

इलाका प्रहरी कार्यालय सिमराबाट खटिएको प्रहरी टोलीले वीरगन्जबाट नारायणगढतर्फ जाँदै गरेको ना ४ ख ५६७२ नम्बरको ट्रक सिमरा चौकस्थित पूर्वपश्चिम राजमार्गमा रोकेर जाँच गरेको थियो । 

लोड गरिएको सामानको बिल,बिजक र ढुवानी सामग्रीबिच असमानता देखिएपछि भन्सार छली गरिएको आशङ्कामा प्रहरीले उक्त ट्रक नियन्त्रणमा लिएको जनाएको छ।

ट्रकबाट करिब ५२ लाख ७० हजार ९३ रुपैयाँ मूल्य बराबरको कपडा, साइकल पार्टपुर्जा, विभिन्न प्रकारका केमिकल, औषधि तथा अन्य खुद्रा सामानहरू बरामद गरिएको बारा प्रहरीले जनाएको छ । 

प्रहरीले ट्रकसहितका सामानहरू नियन्त्रणमा लिई आवश्यक कानुनी प्रक्रिया अगाडि बढाएको जानकारी दिएको छ। 

#नियन्त्रणमा #प्रहरी #भन्सार #बारा