ब्राजिलमा सडकमाथिबाट खसेको पहिरोमा परी कम्तीमा दुईको मृत्यु, दर्जनौं बेपत्ता
१५ मंसिर, काठमाडौं । ब्राजिलको दक्षिणी राज्य परानामा सडकमाथिबाट खसेको पहिरोमा परी कम्तीमा दुई जनाको मृत्यु भएको छ ।
भारी वर्षाका कारण बुधबार सडकमाथिबाट खसेको पहिरोमा परि दर्जनौं बेपत्ता भएको अधिकारीहरूले बताएका छन् ।
पहिरोले ब्राजिलको बीआर थ्री सेभेन सिक्स राजमार्ग प्रभावित भएको अन्तराष्ट्रिय सञ्चारमाध्यमहरुले जनाएका छन् ।
सडकको २ सय मिटर खण्डमा खसेको पहिरोले ६ वटा ट्रेलर र राजमार्गमा अन्य १५ वटा सवारीसाधन पुरिएको जनाईएको छ ।
स्थानीय सञ्चारमाध्यमहरुका अनुसार पहिरोमा परि करिब ५० जना बेपत्ता भएका छन् । सुरक्षाकर्मी र स्थानीयको सहयोगमा पहिरोमा परि बेपत्ता भएकाहरुको खोजि तथा उद्धारकार्य जारी राखिएको छ ।
अन्य तटिय क्षेत्रहरुमा भारी वर्षासँगै आएको बाढीले ५ सय भन्दा बढी घरहरुमा क्षति पुगेको जनाईएको छ । पहिरोले खाद्यान्न ढुवानीका लागि प्रमुख बन्दरगाह पारानागुवा पनि अवरुद्ध बनेको छ ।
प्रतिक्रिया दिनुहोस्