बागलुङमा कालुङ्खोला लघु जलविद्युत् आयोजनाको पावरहाउस बाढीले बगायो
बाढीले केन्द्रीय विद्युत् प्रसारण लाइनको ट्रान्सफर्मरमा पनि क्षति भएको छ । ट्रान्सफर्मरमा क्षति भएपछि स्थानीय विद्युत् पैयुथन्थापका १३० घरमा बिजुली आपूर्ति बन्द भएको छ ।
News Summary
Generated by OK AI. Editorially reviewed.
- बागलुङको जैमिनी नगरपालिका–९ पैयुथन्थापस्थित कालुङ्खोलाले उपल्लो कालुङ्खोला लघुजलविद्युत् आयोजनाको बाँध र पावरहाउस बगाएको छ।
- बाढीले ट्रान्सफर्मरमा पनि क्षति पुर्याएको कारण १३० घरमा बिजुली आपूर्ति बन्द भएको छ ।
- बाढीले खरेयाबोटका दुई परिवार विस्थापित भएका छन् भने सात परिवार बाढीपहिरोको जोखिममा छन्।
२५ असार, बागलुङ । बागलुङको जैमिनी नगरपालिका–९ पैयुथन्थापस्थित कालुङ्खोले उपल्लो कालुङ्खोला लघुजलविद्युत् आयोजनाको बाँध र पावरहाउस बगाएको छ ।
आज बिहानको बाढीले आयोजनाको बाँधसँगै पावरहाउस बगाएको स्थानीय गंगा आचार्यले जानकारी दिइन् । गत वर्ष रु ३५ लाख खर्चेर निर्माण गरिएको स्टिल पुल पनि बगेको आचार्यले बताइन् ।
बाढीले केन्द्रीय विद्युत् प्रसारण लाइनको ट्रान्सफर्मरमा पनि क्षति भएको छ । ट्रान्सफर्मरमा क्षति भएपछि स्थानीय विद्युत् पैयुथन्थापका १३० घरमा बिजुली आपूर्ति बन्द भएको छ ।
पैयुथन्थापको खरेयाबोटका दुई परिवार बाढीबाट विस्थापित भएका छन् । सात परिवार बाढीपहिरोको जोखिममा रहेका स्थानीय आचार्यले बताइन् ।
खोला किनारमा लगाइएको धानबालीमा पनि बाढीबाट क्षति भएको छ ।
– राससबाट
प्रतिक्रिया दिनुहोस्