बसको ठक्करबाट मोटरसाइकल चालकको मृत्यु
२१ कात्तिक, हेटौंडा । मकवानपुरको मनहरीमा यात्रुबाहक बसको ठक्करबाट मोटरसाइकल चालकको मृत्यु भएको छ।
मृत्यु हुनेमा मनहरीको नयाँबस्ती बस्ने २९ वर्षीय अबिनाश गोले रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए।
सोमबार बिहान पूर्वपश्चिम राजमार्गअन्तर्गत मनहरी गाउँपालिका वडा नम्वर-६ सुनाचुरीमा काकडभिट्टाबाट काठमाडौंको लागि छुटेको ५ ख ७९४३ नम्बरको यात्रुबाहक बसले विपरीत दिशाबाट आउँदै गरेको बागमती प्रदेश ०३-००३ प ४९३१ नम्बरको मोटरसाइकललाई ठक्कर दिँदा दुर्घटना भएको थियो।
दुर्घटनापश्चात् बसका चालक फरार रहेको प्रहरीले जनाएको छ। प्रहरीले घटनाबारे थप अनुसन्धान भइरहेको जनाएको छ।
प्रतिक्रिया दिनुहोस्