फिल्म छायांकन सेटमा अभिनेताले बन्दुक पड्काउँदा छायांकारको मृत्यु
५ कार्तिक, न्यूयोर्क – हलिउड फिल्मको सुटिङ सेटमा अभिनेता एलेक बाल्डविनले बन्दुक पड्काउँदा एक जनाको मृत्यु भएको छ ।
बिहीबार अमेरिकाको न्यू मेक्सिकोमा फिल्म ‘रस्ट’ छायांकन सेटमा अभिनेता एलेक बाल्डविनले बन्दुक पड्काउँदा छायांकारको मृत्यु भएको छ भने निर्देशक घाइते भएका हुन् ।
सिनेम्याटोग्राफर हाल्याना हचिनको मृत्यु भएको छ भने निर्देशक जोएल सउजा घाइते भएका भेराइटी म्यागजिनले जनाएको छ ।
घाइते निर्देशक सउजालाई स्थानीय सान्टा फे काउन्टीको अस्पताल लगेर उपचार भैरहेको छ । अभिनेता बाल्डविनले सक्कली बन्दुक नै पड्काउँदा यस्तो घटना भएको जनाइएको छ । अहिले सान्टा फे प्रहरीले घटनाको अनुसन्धान गरिरहेको छ ।
प्रतिक्रिया दिनुहोस्