२८ कार्तिक, काठमाडौं । लिभरपुलका पूर्व स्टार स्ट्राइकर स्टेफेन जेरार्ड इङ्ग्लिस प्रिमियर लिग क्लब एस्ट भिल्लामा प्रशिक्षक नियुक्त भएका छन् । यसअघि गत साता साउथ ह्याम्पटनसँग १–० ले पराजित भएपछि भिल्लाले आफ्ना प्रशिक्षक डिन स्मिथलाई बर्खास्त गरेको थियो । 

जेरार्डले भिल्लासँग २ वर्ष ६ महिनाको सम्झौता गरेका हुन् । ‘एस्ट भिल्ला इङ्ग्लिस फुटबलमा सम्पन्न इतिहास र परम्परा भएको क्लब हो । र, यसको नयाँ प्रशिक्षक बन्न पाउँदा मलाई गर्व छ,’ जेरार्डले क्लबको वेवसाइटमार्फत भने । यसअघि जेरार्डले स्कटिस क्लब रेन्जर्सलाई प्रशिक्षण दिएका थिए ।

उनको प्रशिक्षणमा गत सिजन रेन्जर्सले स्टकिस लिग उपाधि जितेको थियो ।  भिल्लाका सिईओ क्रिष्ट्रियन पुस्र्लोले जेरार्डलाई भित्र्याउन पाउनु खुसीको विषय रहेको बताए । ‘

जेरार्डको लक्ष्य, सिद्धान्त र मूल्य एस्ट भिल्लासँग मिल्छ भन्नेमा हामी स्पष्ट रहदैं आएका छौं । हाम्रो क्लबलाई प्रशिक्षण दिन उनी सहमत भएका छन् र हामी निकै उत्साहित छौं ।’