फ्रन्टलाइन, देश । पछिल्लो २४ घण्टामा नेपालमा एक सय २८ जनामा कोरोना सङ्क्रमण पुष्टि भएको छ । २७ सय २७ जनाको पीसीआर परीक्षण गर्दा एक सय २८ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यो सँगै नेपालमा कोरोना सङ्क्रमण पुष्टि हुनेको सङ्ख्या दुई लाख ७७ हजार सात सय ६८ पुगेको छ । यस्तै एक सय ६१ जना निको भएसँगै कोरोना सङ्क्रमण भएर निको हुनेको सङ्ख्या दुई लाख ७३ हजार एक सय २३ जना पुगेको छ ।

पछिल्लो २४ घण्टामा थप एक जनाको ज्यान गएसँगै नेपालमा कोरोना सङ्क्रमणका कारण मृत्यु हुनेको सङ्ख्या तीन हजार ३२ पुगेको छ । अहिले नेपालमा १६ सय १३ जना सक्रिय सङ्क्रमित छन् ।