१० माघ, काठमाडौं । न्युजिल्यान्डकी प्रधानमन्त्री जसिन्डा आर्डर्नले बढ्दो काेभिड–१० (काेराेना भाइरस) काे ओमिक्रोन सङ्क्रमणका कारण आफ्नो बिहे रद्द गरेको जानकारी दिनुभएको छ ।

उहाँले नियमित पत्रकार सम्मेलनमा आज आइतवार बिहे कार्यक्रम अहिलेलाई अगाडि नबढ्ने जानकारी दिनुभएको छ ।  

‘मेरो बिहे अगाडि बढ्ने छैन’, उहाँले पत्रकारहरूलाई भन्नुभयो । प्रधानमन्त्री अर्डर्नले यस्तै अवस्थामा परेकाहरूसँग माफी मागर्नुभएकाे छ । 

बिहे, भोज र अन्य मनोरञ्जनात्मक कार्यक्रम जहाँ मानिसको ठूलो भिड हुने गर्छ अहिलेलाई सबै त्यस्ता कार्यक्रम स्थगित गर्न सुझावसमेत उहाँले दिनुभएको छ ।

यहाँको सरकारले थप स्वास्थ्य सतर्कता अपनाउन सबैमा आग्रह गरेको छ ।

अहिले विश्वभर नै काेराेना भाइरसकाे नयाँ भेरियन्ट ‘ओमिक्राेन’ काे सङ्क्रमण तीव्र गतिमा फैलिइरहेकाे छ ।

यसलाई लिएर स्वास्थ्य मापदण्डसहित मास्क र स्यानिटाइजरकाे प्रयाेग गर्न डब्ल्यूएचओ, यूएन लगायतले आग्रह गर्दै आएका छन् ।