धुलिखेल। धुलिखेल नगरपालिकाले जेहेन्दार र मिहिनेती विद्यार्थीको लागि उच्च शिक्षा छात्रवृत्ति कार्यक्रम सुरु गरेको छ ।

जस अन्तर्गत, यस बर्षको लागि उच्च शिक्षा छात्रवृत्ति कार्यक्रम ” अन्तर्गत धुलिखेल क्याम्पस र संजीवनी क्याम्पसमा उच्च शिक्षा (स्नातक) अध्ययन गर्ने बिद्यार्थीका लागि रु.८/८ लाख छात्रवृत्ति रकम बिद्यालय लाई हस्तान्तरण गरेको छ ।

सोमबार पालिकाको कार्यालयमा आयोजित बिशेष कार्यक्रममा नगर प्रमुख अशोक कुमार ब्यन्जु श्रेष्ठले उक्त छात्रवृत्ति रकम छात्रवृत्ति पाएका बिद्यालय लाई हस्तान्तरण गरे ।

महामारीको बिच कार्यक्रम गर्न परेकोले स्वास्थ्य मापदण्डको पूर्ण पालना गरी भौतिक दुरी र मास्कको अनिवार्यता गरी सो कार्यक्रम समापन गरिएको पालिका श्रोतले जनायो ।