निर्वाचन नजिकिँदै, दलहरुको प्रचारप्रसारमा तीव्रता
२४ कात्तिक,चितवन । निर्वाचन नजिकिँदै गर्दा दलहरुले प्रचारप्रसारलाई तीव्रता दिएका छन् । चितवनमा गठबन्धन र नेकपा एमालेका शिर्ष नेताहरु चितवन आउने भएका छन् ।
गठबन्ध र एमालले चितवनमा आयोजना गर्न लागेको चुनावी सभालाई सम्बोधन गर्न शिर्ष नेता यहाँ आउने भएका हुन् । गठबन्धनले कात्तिक २६ गते चुनावी सभा गर्न लागेका छन् ।
गठबन्धनको चुनावी सभालाई सम्बोधन गर्न प्रधानमन्त्री एवम् नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा (एकिकृत समाजवादी)का अध्यक्ष माधव नेपाललगायतका नेता चितवन आउने भएका छन् ।
एमालेले कात्तिक २८ गते चुनावी सभाको आयोजना गर्दै छ । चुनावी सभालाई सम्बोधन गर्न एमाले अध्यक्ष केपी शर्मा ओलीलगायत पार्टीका शिर्ष नेता आउने एमाले चितवनले जानकारी दिएको छ ।
प्रतिक्रिया दिनुहोस्